ملتقى الاحبه فى الله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى الاحبه فى الله

اسلامي وثقافي واجتماعي وترفيهي
 
الرئيسيةأحدث الصورالتسجيلدخول
Cool Red Outer
    Glow Pointer
.......أخوتي وأخواتي الكرام لقد تم تغيير اسم المنتدى من منتدى عالم الرومانسية الى ملتقى الأحبة في الله

 

 كيف تتحدث مع الناس

اذهب الى الأسفل 
2 مشترك
كاتب الموضوعرسالة
زائر
زائر
Anonymous



كيف تتحدث مع الناس Empty
مُساهمةموضوع: كيف تتحدث مع الناس   كيف تتحدث مع الناس Uuuo10الأحد يناير 10, 2010 3:32 pm

السلام عليكم ورحمة الله وبركاته

قرات موضوع وعجبنى كتييير جدا وقلت ضرورى انقله لانه بجد مفيد

كيف تتحدث مع الناس ؟
عنوان غريب مش كده؟؟
عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟
لقيت مرة واحد مابتحبّش تتكلم معاه خالص؟؟ كده لله في لله؟؟
هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟
طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)
*********

في البداية عايز أوضح لك حاجة مهمة جدا عن عقلنا اللاواعي
هنعرفها من المثال الصغير ده
:
هاقول لك جملتين عايزك تركز فيهم قوي وتنفّذ اللي فيهم

ماتفكرش في وردة حمراء

ها ها ها.. ينفع؟ طيب خد دي كده

ماتتخيّلش سيارة سوداء

ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراءوفي السيارة السوداء كمان

*********

إيه اللي حصل ده؟

اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء

يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟

*********

طبعا المسألة مش مسألة وردة حمراء وسيارة سوداء
عشان تفهم قصدي اقرا الأمثلة دي

البائع:الأسعار بتاعتنا مش غالية.. احنا مش حرامية و نصابين

الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا

جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين).. ده أكيد

يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء
*********
نفهم من كده إيه؟؟

نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي(رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لونفيتها.. زي ما عرفنا مع بعض
الطبيب: ماتخافش.. الحقنة مش بتوجع خالص
هه.. إيه رأيك في المثال ده؟؟

يلاّ مع بعض نطلع الكلمات السلبية
أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف ثاني كلمة سلبية هي: (مش بتوجع).. دي هتخليه يتخيل الألم والوجع
يبقى المفروض يقولها ازاي؟؟
الطبيب: اطمئن.. هتحس براحة بعد ثواني
(ملاحظ إننا ماذكرناش كلمة "حقنة" أصلا؟)
ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كدكتور - في إقناع المريض بأخذ الحقنة
تجنب الكلمات السلبية زي: ماتخافش، ماتقلقش، زي شكة الدبوس
كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً
*********
خدت بالك؟
ببساطة لأن هي دي الحقيقة, بس المهم هنوصلها له بأي طريقة؟
البنت لخطيبها :ماتقلقش يا حبيبي.. عمري ما هاخونك أو أكرهك
طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك
المفروض الجملة دي تتقال كده
البنت لخطيبها:اطمئن يا حبيبي.. أنا مخلصة لحبنا وهافضل أحبك على طول
شايف الجمال اللي في المعنى؟؟ مع إننا ممكن نلاحظ ببساطة إن الجملتين لهمنفس المعنى
*********
نستفيد من الكلام ده إيه بقى؟؟
نخش على الحكمة بتاعة التهاردة
مهم جدا معنى الكلام الذي نقوله.. والأهم هو: كيف نقول هذاالمعنى

استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط ؟؟ ركز في كلامه هتلاقي الكلمات اللي قلنا عليها.. الكلمات السلبية
على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية
*********
قبل ما نختم بقى تعالوا نلعب لعبة

اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح

أنا مش عبيط.. أنا فاهم كل حاجة
صح غلط

خليك ذكي وركز معايا
صح غلط

الجو النهارده كويس
صح غلط

ياباشا البضاعة بتاعتي مش بتعفن بسرعة
صح غلط

ماتقلقش.. الموضوع بسيط
صح غلط

هابطّل السجاير, واكون إنسان جديد
صح غلط

العطر ده ريحته مش وحشة خالص.. بالعكس
صح غلط

ماتفتكرش إن صحتي راحت.. أنا زي الفل
صح غلط

مش هاخذلك يا معلّم
صح غلط

أنا إرادتي قوية جدا.. ثق في كده
صح غلط

ماتبقاش غبي يا بني.. فتّح مخك معايا
صح غلط

بحبك
صح غلط

طبعا حلّيت الواجب كله لوحدي..إنت فاكرني باكدب؟
صح غلط

*********

حلها بقى براحة واعرف إنت بقيت متحدث إيجابي ولاّ لأ
مرّن نفسك من النهارده على إن كلامك يكون إيجابي.. ولاحظ الفرق اللي هيحصلفي حياتك
الرجوع الى أعلى الصفحة اذهب الى الأسفل
عبدالرحمن قاسم
المدير العام
المدير العام
عبدالرحمن قاسم


ذكر
عدد المساهمات : 324
التقييم : ..
الاوســــــــــــــــــــمه
كيف تتحدث مع الناس Get-6-2010-atbwouab



كيف تتحدث مع الناس Empty
مُساهمةموضوع: رد: كيف تتحدث مع الناس   كيف تتحدث مع الناس Uuuo10الأحد يناير 10, 2010 8:21 pm

اقتباس :
لقيت مرة واحد مابتحبّش تتكلم معاه خالص؟؟ كده لله في لله؟؟

كتير اوي

بجد تسلم اختياراتك علي الموضوع الاكثر من رائع
الرجوع الى أعلى الصفحة اذهب الى الأسفل
https://asra.mam9.com
زائر
زائر
Anonymous



كيف تتحدث مع الناس Empty
مُساهمةموضوع: رد: كيف تتحدث مع الناس   كيف تتحدث مع الناس Uuuo10الإثنين يناير 11, 2010 9:41 am

فعلا عبد الرحمن دا بيحصل مع كل الناس
بس لازم نراجع نفسنا يمكن احنا اللى
طريقتنا مش تماام

بس والله انا معاك ان احيانا من غير اى
كلام اصلا بتشوف ناس مبتقبلهاش

بس ربنا يهدينا ويحبب فينا خلقه
الرجوع الى أعلى الصفحة اذهب الى الأسفل
الطير المهاجر
عضو مجتهد
عضو مجتهد
avatar


ذكر
عدد المساهمات : 26
التقييم : ..
كيف تتحدث مع الناس E8s7dt

كيف تتحدث مع الناس Empty
مُساهمةموضوع: رد: كيف تتحدث مع الناس   كيف تتحدث مع الناس Uuuo10الإثنين يناير 11, 2010 2:19 pm

موضوع مفيد وجميل جدا تسلم ايدك ازهريه
الرجوع الى أعلى الصفحة اذهب الى الأسفل
زائر
زائر
Anonymous



كيف تتحدث مع الناس Empty
مُساهمةموضوع: رد: كيف تتحدث مع الناس   كيف تتحدث مع الناس Uuuo10الإثنين يناير 11, 2010 5:10 pm

الطير المهاجر

شكرا لييك على المرور
الرجوع الى أعلى الصفحة اذهب الى الأسفل
 
كيف تتحدث مع الناس
الرجوع الى أعلى الصفحة 
صفحة 1 من اصل 1
 مواضيع مماثلة
-
» يلا نحب كل الناس
» اهو ظلم ام خوف من كلام الناس؟
» حساب الناس
» انظر للمواقف الناس بعد موتك؟؟؟؟
» كن كالقمر يرفع الناس رؤسهم كي يروه.

صلاحيات هذا المنتدى:لاتستطيع الرد على المواضيع في هذا المنتدى
ملتقى الاحبه فى الله :: الــــقـــــــــــــــسم الـــعـــــام••((¯°·._.•ملتقى الاحبة في الله•._.·°¯))•• :: الــــقـــــــــــــــــــــــــسم الـــعـــــام-
انتقل الى: